استقبلى الشتاء بطريقة عمل المكرونة بالشوكولاته

Download Free Games

متابعات

لما يكون نفسك فى مكرونة و كمان نفسك فى حاجة حلوة، اعملى «طبق مكرونة بالشوكولاته » اللى هيجمعلك أكتر مكونات بتحبيها، المكرونة و كمان معاها الشيكولاتة .. جربتى الوصفة دى قبل كده؟

المقادير :
٤٠٠ جرام مكرونة
٤ كوباية لبن كامل الدسم
١/٢ كوباية سوداني محمص
١٥٠ جرام شوكولاتة طبيخ مبشورة
١/٢ ملعقة قرفة مطحونة
١ كوباية سكر
٢ بيضة 
١ كيس فانيليا

الطريقة :
- نسلق المكرونة لحد ما تبقى نص سوا ونسيبها على جنب.
- في سلطانية صغيرة، نضرب البيض مع السكر والقرفة لمدة دقيقتين. 
- نجيب حلة متوسطة و نسخن فيها اللبن لحد لما يغلي. و بعدين نزود خليط البيض والسكر و نقلب الخليط بسرعة.
- نضيف الشوكولاتة على خليط اللبن ونقلب لحد لما تدوب. 
- نجيب صنية و ننزل فيها المكرونة مع خليط اللبن بالشوكولاتة ونزود عليها السوداني. 
- ندخل الصنية الفرن لمدة ٢٠ الى ٢٥ دقيقة.

Download Free Game
الصفحه نيوز