شوية برد

خالد ربيعي يكتب: شوية برد

شوية برد
Download Free Games

''

 

شوية برد... لا أكتر... يخلوك ترجع طفل صغير... بل أصغر...
شوية برد...
لا دم... ولا جراحة... ولا محاليل... ولا حتى قرحة في جدار معدة.... بس شوية برد!!
سخونة في الجسم كله... صداع... احتقان في الزور... رشح مستمر... العضم كله "متفصص"... مش قادر تسند طولك....
بسيطة... دول شوية برد!!!

شوية برد يخلوا أتخن تخين وأجعص جعيص واللي ليل نهار يهاتي: انت ما تعرفش أنا مين وابن مين؟!
يرجع عيل صغير ب"سكاتة"... ويتمنى تاخد منه كل حاجة... بس يرجع زي ما كان... سليم معافى... وما تنساش تاخد معاك شوية ال... برد!!!
شوية برد... يرجعوك لأصلك.... "خلق الإنسان ضعيفا"....

شوية برد... يخلوك ما تحسش بطعم أكل ولا بلذة شرب... ولا رغبة في الفيس بوك... ولا حتى بصة في جريدة... بسيطة دول شوية برد!!
حقن... وبرشام... ومضاد حيوي باين عليه خمستلاف... وسوايل وليمون... وخمول عام ولازم ال 3 أيام أو أكتر... شوية برد....
وقانا الله وإياكم من كل مرض وألم.... وخصوصا...
شوية برد!!!

Download Free Game
الصفحه نيوز